Sucesso do ato polo Dia da visibilidade lésbica

Texto Original*

Lume! - O 26 de Abril, dia da visibilidade lésbica, as mulheres de Vigo realizamos umha série de atividades destinadas à reivindicaom da nossa condiçom de lesbianas ante a presença maioritária e discriminatória nas ruas do machismo hetero-patriarcal criador de mecanismos e aliado dos nécios meios de comunicaçom que fam todo o possível por invisibilizar as mulheres lésbicas, para que fiquemos “ocultas”, caladas, denigradas e sem ânimo para luitar.

É por isto que as mulheres, mais umha vez, temos que dizer que logramos juntar-nos e reivindicar os nossos direitos.

Nas ruas de Vigo aconteceu umha bicada popular, com o único fim de normalizar o que hoje em dia nom é “aceite” polo Patriarcado, o afecto visível de duas mulheres lesbianas. No mesmo momento, tivo lugar umha concentraçom no mercado do Calvário, onde as mulheres tivemos a oportunidade de falar livremente sobre sobre as dificuldades que a “norma social” impom contra a nossa visibilidade.

Para rematar a jornada, reunimo-nos novamente no Centro Social LUME!, com o ânimo de conhecer a problemática da lesbofobia no ensino e no entorno laboral, encorajando-nos e canalizando as nossas forças para empreender a luita feminista.

Desde o Colectivo LUME!, queremos agradecer a todas as mulheres achegadas e participantes, à Associaçom Nós Mesmas de Vigo. Aliás, queremos transmitir o nosso apoio e alegria a todas as mulheres, assim como convidar e animar à participaçom àquelas que nom pudestes assistir, logrando que estas actividades vaiam acrescentando-se na nossa cidade e no resto da Galiza.

Avante a luta feminista!

Fonte

DiárioLiberdade